Vælkomin til Pisurnar
Pisurnar í ár eru 10 í tali.
Starvsfólkini, sum eru knýtt at pisunum, eru Elsa og Alma, námsfrøðingar í Ljósinum, og Ingun, námsfrøðingur í Glottanum.
Umframt námsfrøðingarnar, eru Nico og Palma, hjálparfólk í Ljósinum, hjá Pisunum eina ferð um vikuna.
Í jan og feb. hava vit fokus á:
Mentanarlig virðir
Soleiðis skilja vit tað:
Mentan er ein partur av okkara samleika, og við at lata upp fyri okkara søgu, siðum og skikkum, fáa børnini innlit í, hvat samfelagið byggir á. Vit brúka okkara søguligu fortíð, til at mynda okkara framtíð.
Túr í Sandagerði 24. juni
Vit hava verið túr í Sandagerði í góðveðrinum í dag.
Ein deiligur túrur, har vit vassaðu, fingu sand ímillum bibburnar og klatraðu í steinunum.
Takk fyri í dag
Uppi hjá bóndanum
Mikudagin 12. juni vóru vit uppi hjá bóndanum og vitjaðu. Bergfríð, sum arbeiðir á garðinum, tók ímóti okkum og vísti okkum runt í fjósinum. Hon segði okkum frá ymiskum um, hvat arbeiði inniber í einum fjósi. Hon koyrdi traktor, akkurát tá vit komu.
Ínni í fjósinum vóru øguliga nógv neyt okkurt um 160 tilsamans. Har vóru eisini nakrir kálvar, serliga vóru tveir av teimum øguliga fittir, tann eini var bert eina viku gamal og hin tvær vikur.
Vit sóu meðan kýrnar blivu mjólkaðaðar í mjólkimaskinuni, tær fara sjálvar í køina og stilla seg klárar við maskinuna, sum sýgur seg fasta, har komu nógvir litrar undan hvørjari. Tað var nokk so stuttligt at hyggja, tær troðka seg framum hvørja aðra og tann eina bleiv yvirhála fleiri ferðir - tær fáa okkurt lekkurt meðan tær verða mjólkaðar :)
Tey hava eisini nøkur ross, hundar og kettur og so sóu vit eisini ein lítlan dunnuunga. Tað var so stuttligt at vitja hjá bóndanum og kundu vit verði har nógv longri, um til bar.
Ein deiligur túrur uppi hjá bóndanum :)
Takk fyri
Túr á spæliplássi Millum Gilja
Vitjan á Listasavnið Føroya
Í gjár, hósdagin 21.03.19, vóru vit og vitjaðu Listasavn Føroya.
Har var ein kona, sum vísti okkum runt. Hon greiddi okkum frá um listina, og hon spurdi okkum eisini um, hvørjir litir vóru brúktir og hvat vit hildu um listina, sum vit sóu. Eitt sum fleiri okkara hildu vera sera spennandi var vakmyndatólini ;)
Vit upplivdu eisini byngjuna hjá Trónda Patursyni. Konan greiddi okkum frá um ljósi, sum kemur inn gjøgnum glasið og um litirnar, sum Tróndur hevur málað á glasið. Hon segði okkum eisini, at speglini, sum eru uppi undir loftinum og á gólvinum, geva eina rúmdarfatan, sum virkar um 700 m.
Eftir vit vóru liðug at hyggja at listini, fóru vit at tekna. Vit kundu velja at lita føroyska list, sum var kopiera út á pappír, ella kundu vit velja at tekna á hvítt papír.
Vit ótu eisini matpakka á listasavninum.
Á vitjan í KVF
Mánadagin 25. februar vóru Pisurnar í Kringvarp Føroya á vitjan. Lív, sum arbeiðir í KVF, tók væl ímóti teimum og vísti teimum runt á øllum stovninum. Tær vóru á savninum, har allar tær gomlu upptøkurnar á bondum vera goymdar, inni hjá Jonnu og Elini, sum gera barnaløtuna, inni á tíðindastovuni og í studio.
Pisurnar hoyrdu upptøkur inni hjá Jonnu og Elini, og sóu á teldu, hvussu innsløgini vera klipt og tilpassaði. Á tíðindastovuni fortaldu tey um, hvat tíðindir eru og hvørji tíðindir fóru at koma í Dagur og Vika um kvøldið. Inni í studio sungu tey ein sang, sum bleiv tikin upp og so vóru tey eisini inni í studio, har tey stóu runt pallborðið og kjakaðust í Degi og Viku, og aftaná var Gekkurin á skránni.
