Vælkomin í Ljósið

Í Ljósinum ganga 22 børn.

Starvsfólkini inni hjá okkum eru Elsa, Alma, Nico, Hildur, Bartal. og Ragna

málslig menning marts april 2021

 

i januar og feb 2021 hava vit arbeitt miðvíst við mentunarligum virðum og í  marts og apríl fara vit at arbeiða miðvíst við málsligari  menning

Soleiðis hugsa vit :

Málið er ein týdningarmikil partur av okkara samskifti. Vit samskifta bæði verbalt og nonverbalt. Í málinum liggja orð, tónalag og kropsmál. Fyri at barnið skal skilja og læra, er tað av tydningi, at vit vaksnu eru týðulig yvirfyri børninum bæði í orðum og gerðum.

Málið er ein fortreyt fyri at barnið kann ferðast og virka í einum sosialum felagsskapið. Barnið brúkar málið til at seta orð á sínar kenslur, tankar og handlingar. Málið er eisini við til at skilja samanhang.

Hvat vilja vit náa.?

  • At styrkja málsligu menningina hjá barninum.
  • At barnið skal gerast ført fyri at koma uppí spæl
  • At barnið kann úttrykkja hvat tað vil og ikki vil
  • At barnið lærir at lurta og bíða eftir teirra túri til at tosa.
  • At barnið lærir at seta orð á seg sjálvan.
  • At barnið lærir hugtøk.
  • At børnini læra hvør av øðrum tá tey tosa.

 

Ein deiligur dagur í desembur 2019

Í dag hava vit verið úti í góða veðrinum og skreitt og spælt :)

Oktobur 2019

Nú er oktobur væl og virðuliga farin afturum. Tey 3 ára gomlu eru so mátt follin til her í Ljósinum . M.a dámar teimum væl at spæla inni í kamarinum.

Ein vátan dag í oktobur valdu vit at spæla við eplamjøl inni. Vit leitaðu eftir perlum í eplamjølinum, vit føldu váta og og slímuta massan og koyrdu í og úr koppum.

Í samband við at kvøldini eru longri og myrkari í oktobur, vildu vit gera okkurt óhugnaligt at hanga upp í stovuni -  tað bleiv til eiturkoppar. Hetta, hóast øll ikki halda at eiturkoppar eru óhugnaligir. So sóu vit, at vit høvdu givið eiturpoppunum 6 bein - teir hava jú 8 bein. Tá bleiv avgjørt, at vit høvdu gjørt torvatrøll :)

Vit í Sólareygað dáma væl motorik. Ein dagin í oktobur gjørdu vit ein bana inni í Ljósinum. Vit klatraðu uppum, grulvaðu undir, hoppaðu niður og mangt annað.

Seinast í oktobur byrjaðu vit so smátt at gera klárt til jóladekoratiónir. Í tí sambandi fóru vit túr við Glottanum at savna grannkoglar, pinnar og mosa.

 

Septembur 2019

Í Septembur vóru vit nógvar túrar og so var tað eisini val.

Vit vóru m.a. túr niðri hjá Petur Noll. Hvar sóu vit ymiskar fyglar og hugnaði okkum í deiliga umhvørvinum har.

Barnagarðsbørnini og Pisurnar vóru á vali í sambandi við løgtingsvalið 14. sep. Børnini kundu velja millum Burgara og kips, pasta og kjøtsós og pitabreyð. Meirilutin valdi Burgara og kips. Vit ótu øll saman úti á flognum.

Annars so vóru vit túr her í grannalagnum. Í bønum, í ánni, og við Svartafoss.

Eisini hevur garðurin hjá okkum her í Sólareygað víst seg frá síni bestu síðu. M.a. spældu vit so gott í svarta húsinum hjá okkum.

August 2019

Nú er langt síðani vit í Ljósinum hava lagt myndir út, so nú koma myndir frá august og líka fram til novembur. Hetta er myndarøðin frá august.

Í august fingu vit nógv fitt og røsk børn inní Ljósið. Ein teirra hevði eisini føðingardag í hesum tíðarskeiði, tað var Aleksandur. Hann bleiv 3 ár :) Tillukku :)

 

Túr í ánni, Juni 2019

Í dag vóru vit túr í ánni. Vit savnaðu steinar, sum vit ætla at brúka á summarfestini í ár. Vit skulu nevnliga mála á steinar tann dagin.

Niðri við ánna fóru nøkur okkara úr skónum og vassaðu. Onnur vassaðu við gummistilvum á. 

Vit funnu eisini eitt gott stað, har vit hoppaðu niður av. Vit funnu eisini eitt annað stað. Har kundu vit skreiða niður.

Tað vóru so nógvar sóljur at síggja. Vit fóru øll at heinta, og tá ið vit komu heim, settu vit sóljurnar í vatn, so tær hugnaðu um, meðan vit ótu matpakka.

Apríl 2019

Her eru nakrar myndir frá apríl. M.a hevði Hans Otto føðingardag. Hann bleiv 4 ár. 

Túr í grannalagnum mars 2019

Mánadagar eru vit vanliga túr. Mánadagin 11. mars vóru vit túr her í grannalagnum. Tað var nógvur vindur og kalt. Tí vóru vit væl ílatin. Regnklæðir, troyggju, stilvar og húgvu.

Mosin var so djúpur og bleytur. Eisini funnu vit ymiskar holur, so vit kundu fáa lívd fyri vindinum.

Vít fóru niðan á ein bakka, so vit orduliga kundu uppliva vindin. Vit prøvaðu øll at rópa ímóti vindinum. Vit róptu alt hvat vit orkaðu. Vindurin larmaði og rikti og skrikti í okkum og útsýnið var sera gott.

Á veg heimaftur funni vit eitt runudíki, sum vit spældu í eina løtu. Vit funnu eisini eitt sindur av plastikki. Tað tóku vit við okkum til Sólareygað og koyrdu tað í skrell.

Heimafturkomin vóru vit vát, og máttu vit tí lata okkum úr og í turt. Børnini gjørdu tað mesta sjálvi við góðari vegleiðing frá teimum vaksnu.

 

Februar 2019

Í Februar hevði Sólareygað føðingardag, vit blivu 14 ár. Vit fingu eina so fitta gávu, har var sitrónte í, so vit øll í Ljósinum drukku te, við mjólk í, aftur við millummálanum.

Annars hevur veðrið verið gott í februar, so vit hava verið nógvar túrar. Her eru nakrar myndir frá, tá ið vit vóru og vitjaðu eitt spælipláss her í grannalagnum. Á veg yvir til spæliplássið og heimaftur gingu vit í brattlendi, so bæði høgra og vinstra síða á føtliðunum blívur styrkt.

Eisini hava vit gjørt banar úti á flognum. Vit eiga nevnliga so nógv ymiskt at gera bana við. Her hava børnini sjálvi gjørt ein bana. Vit vaksnu settu bara tingini fram, so fóru børnini í gongd. Sigast má, at tey vita hvat tey vilja - og duga, tað gera tey heilt sikkurt.

Januar 2019. Vit skreiða

Í dag vóru vit og skreiddi yviri í bønum. Øll prøvaðu, so røsk vóru tey!!

juli og august 2018

Í Summar vóru fleiri føðingardagar. Vár bleiv 4 ár, Lý 5 ár, Maria 4 ár, Hervør og Ásvør 6 ár og Kristian bleiv eisini 6 ár. Eisini vóru vit fleiri túrar niðri við ánna her í grannalagnum. Vit vitjaðu eisini gula hús.

Ínni hava vit verið skapandi. Vit hava málað okkum um bibburnar, skapað pinnafólk úr pinnum o.ø. og klipt og líma.