Vælkomin í Glottan

Í Glottanum ganga 21 børn. 
Starvsfólkini inni hjá okkum eru: Barbara, Gunnva, Heidi og Sylvia

Persónlig menning okt og nov

i okt og nov hava vit fokus á:

 

Persónliga menning:

Soleiðis skilja vit tað:

Vit vilja skapa menning fyri tað einstaka barnið og tí er neyðugt við avbjóðingum, ið eru í samsvar við menningarstøðið hjá barninum. Fortreytin fyri menning er trivnaður og tí er tað umráðandi, at barnið følir seg sætt, hoyrt og skilt. Barnið er ein partur av einum stórum bólki og tí er tað umráðandi at tað dugir at seta orð á seg sjálvan, sínar gerðir og kenslur, hetta so, at barnið á bestan hátt kann virka í felagsskapinum.

Hvat vilja vit náa?

  • at barnið setur orð á seg sjálvt, sigur frá egnum kenslum o.s.fr. at styrkja sterkar og veikar síður
  • at barnið sær avbjóðingar fram um forðingar/hevur áræði
  • at barnið verður hoyrt/sætt
  • at barnið hevur sjálvsálit
  • at barnið upplivir sjálvsvirðið
  • at barnið kennir seg trygt at vísa kenslur
  • at barnið varðveitir sítt forvitni
  • at barnið gert sjálvstøðugt

 

Ein hugnaligur fríggjadagur í novembur

Vit byrjaðu morgunin við einum lekkrum temunni inni í Glottanum. Aftaná samling tóku vit bussin oman í Grasagarð, har ið vit hava spælt og stuttleika okkum. Vit høvdu matpakka við og ótu har. Tá vit komu niðan aftur í Sólareygað fingu vit øll mandarin og spældu spurnarkapping. 

Ein sera hugnaligur dagur í hesum kalda veðrinum.

Gott vikuskifti :-)

 

 

Novembur 2019

Í novembur eru vit so smátt byrjað at glaða okkum til jólar. Tað hevur verið frost og kavi onkrar dagar, og tá hevur tað verið ordiliga stuttligt at spælt úti og skoytað. Í hesum kalda veðrinum, hava vit onkrar dagar gjørt temunnar til matpakka. Tað hava børnini hildið verið ordiliga hugnaligt. 

 

Her eru nakrar løtumyndir av børnunum úr Glottanum frá novembur 2019 :-)

 

 

Kavatúr 2019

Í dag hava børnini í Glottanum verið ein langan túr. Vit tóku buss oman til KFUK bøin, aftaná vit høvdu sletað har, fóru vit yvir í Grasagarð at spæla. Farið varð oman í bókasavnið at eta matpakka og hoyra søgu. Vit tóku buss niðan aftur í Sólareygað og fingu heita suppu til millummála.

 

Løtumyndir frá í dag :) 

 

 

 

 

 

Oktobur 2019

 

Løtumyndir hjá børnunum í Glottanum. Vit hava verið nógvar túrar, har ið vit hava rullað og klintrað og spælt í bønum. Spælið í stovunið hevur verið ordiliga gott eisini, og børnini hava hugnað sær frálíkt. Eisini hava vit verið úti í garðinum.

myndir frá okt. 2019

 

 

 

 

Septembur 2019

 

Myndirnar eru frá túrum og spæl í septembur 2019. 

 

 

 

 

August 2019

 

Veðrið hevur verið gott í august, so vit hava verið nógvar túrar. Ofta høvdu vit eisini matpakkarnar við okkum :-) 

 

 

 

 

Val 2019 - aug

 

Í dag og í gjár hava børnini úr Glottanum og Ljósinum verið á val. Tey sluppu at velja, hvat vit fara at eta til døgurða mánadagin. Valið varð ímillum 1: burgara og kips 2: spagetti og kjøtsós og 3: pitabreyð. Tey vóru sera spent at fara á val, og vigtigt var, at man bara skuldi seta ein kross. 

Í dag aftaná felags samling fóru vit at telja atkvøðurnar upp. Tey sótu spent og bíðaðu meðan talt varð. Burgari og kips bleiv ein sikkur vinnari. Aftaná vit høvdu talt, prátaðu vit eitt sindur um, hvat fólkaræði er, og um at foreldrini fara á val leygardagin. 

Nú glaða tey seg sera nógv at koma í barnagarð mánadagin at eta burgara og kips. Gott val :-) 

 

 

 

 

Juni 2019

 

Vit hava grilla sneisabreyð og hugna okkum í góða veðrinum.

 

 

 

Mai 2019

 

Vit hava verið úti í náttúruni og funnið djór, spælt og etið matpakka og millummála.

 

 

Apríl 2019

 

Í apríl hava vit verið sera nógv úti. Veðrið hevur verið av tí allar besta, og børnini hava tímað so væl at verið úti í góðveðrinum.

Vit hava verið nógvar góðar túrar í grannalagnum, súkkla og spælt úti í garðinum, kritað og funnið ymiskt spennandi djór.

Eisini hava vit etið bæði millummála og matpakka úti fleiri ferðir. Børnini hava hjálpt til vit at dekka borðini úti, og við at rudda inn aftur. 

 

 

 

Várið er komið

 

Mánadagar fara vit vanliga túr. Vit fóru ein túr oman í grannalagið at ganga á ósløttum lendi. Veðrið var sera gott, og tað var nógv spennandi at síggja og uppliva á túrinum.

Børnini vóru røsk at ganga, klintra og spæla. Eisini prátaðu vit um, hvat spennandi var at síggja á túrinum: blómur, djór, sólin, steinar o.s.fr.

Tá vit komu aftur í barnagarðin, dekkaðu børnini borð uttanfyri. Tað var so lekkurt at eta matpakka úti!

 

 

 

Føstulávint 2019

 

Nógvar grýlur vóru í barnagarð føstulávint morgun. Tað bleiv sligið tunnu, dansað, málað og flent. Tey eldru børnini slógu tunnu úti á flognum, meðan tey yngru børnini slógu tunnu inni hjá ljósinum.

Í tunnuni var kips og poppkorn til tey :)

 

 

 

Jan og feb 2019 - Mentanarlig virðir

Í januar og februar hava vit í Glottanum arbeitt við mentanarlig virðir, har denturin hevur verið lagdur á føroyskar sagnir og søgu. Vit hava arbeitt sera nógv við kópakonuni, nykinum og víkingum.

 

Her eru nakrar myndir av børnunum, har ið tey arbeiða og læra um hesi tingini.

 

 

jan- feb 2019

Í jan og feb. 

her eru nakrar myndir av glotta børnunum í og í nærumhvørvinum kring Sólareygað

 

 

Mars 2018

Mars mánðaður í Glottanum.

Vit hava haft breyðdag, har vit høvdu sjálvtøkuborð við nógvum ymiskum og leskiligum viðskera. Dreingirnir gjørdu klárt, meðan genturnar vóru úti og spældu kríggj.

Dagurin var so væleydnaður og øll hildu at tað var lekkurt og spennandi at smakka ymiskt, velja og smyrja sítt egna breyð. :)

Tann síðsta kavadagin í ár (inntil víðari) vóru vit niðrið í KFUK-bønum og skreiddu. Tað var mega stuttligt ! :D

Myndirnar tala fyri seg.

Eisini sum nakað nýtt hava vit fingið kúlubað í Glottanum. Tað brúka vit millum annað til at stimbra følisansin. 

 

 

 

 

Februar 2018

Nú eru vit væl komin aftur frá verkfallinum, hóast tað hevur ávirkað okkum starvsfólk og børnini, so merkir tað ikki at túrar og upplivingar vera minni ella verri.

Hendan mánaðin eru myndir av føstulávint, einum túri við dreinginum, har teir vóru í kríggj, og nakrar støðumyndir frá dagligdegnum.

Á føstulávint vóru vit grýlur so eingin varð kendur. Tey 3-4 ára gomlu bæði í Ljósinum og Glottanum slerdu tunnu inni í Glottanum og tey 5-6 ára gomlu slerdu tunnu úti á Flognum. Hjá teimum eldru var Jóna í Ljósinum kattakongur og fyri tey yngru gjørdist Vár í Glottanum kattakongur.

Tá dreingirnir vóru í kríggj fingu teir nógvar upplivingar, teir spældu rolluspøl, klatraðu, goymdu seg, runnu, doyðu og alt møguligt annað, super motoriskar venjingar. Ímeðan dreingirnir kríggjaðust vóru genturnar á Flognum og gjørdu motorikk, og bakaðu bollar til millummála. Teir smakkaðu mega væl.

Eisini eru nakrar myndir at børnum ið spæla inni á stovuna.