Vælkomin í Glottan

Í Glottanum ganga 21 børn. 
Starvsfólkini inni hjá okkum eru: Ingun, Tórunn, Heidi, Guðrið og Kristvør.

Persónligur førleiki

Í okt og nov hava vit valt í ár, at hava serligt fokus á menningarøkið Persónlig menning:

Persónlig menning:

Soleiðis skilja vit tað:

Vit vilja skapa menning fyri tað einstaka barnið, ti tað́ er neyðugt við avbjóðingum, ið eru í samsvar við menningarstøðið hjá barninum. Fortreytin fyri menning er trivnaður, og tí er tað umráðandi, at barnið følir seg sætt, hoyrt og skilt. Barnið er ein partur av einum stórum bólki og tí er tað umráðandi at tað dugir at seta orð á seg sjálvan, sínar gerðir og kenslur. Hetta so at barnið á bestan hátt kann virka í felagsskapinum.

 

Sum vit nevndu á foreldrafundinum, so hevur tað týdning at tit goyma tær myndirnar sum tit vilja eiga. Tí vit goyma bert tær 4-6-myndirnar um árið, sum koma í mappuna.

November 2017

Nú eru vit aftur klár við myndum úr lívinum í Glottanum.

Hendan mánaðin hevur veðri verið øðrvísi, verri vildi onkur sagt, men vit halda tað er spennandi at síggja broytingarnar tá vit fara túrar ella bert út í garðin.

Her eru myndir av einum túri, tá vit klatraðu upp á heyggin hjá Petur Noll, har sóu vit mangt og hvat. Kend hús, bussar og lastbilar og Nólsoynna! Og so gjørdu vit eina rópi kapping, har vit bara skrálaðu og hoyrdu okkara ekkó. Ein annar túrur var eisini í frosti har mosi og lyngur varð harður,  tá vóru nøkur, sum vóru offarin av tí. Alt tey minnast, er mosin so bleytur.

Eisini eru nakrar myndir av spæli inni í stovuni. Og tá vit fóru skattaveiðu og funnu Nissu Pól, sum sat á vaglinum inni í høsnarhúsinum. Og so eru lekrar kavamyndir eisini. Hetta hevur verið ein so deiligur mánaði.

Setið tykkum væl til rættis (gott um børnini eru við) at njóta myndirnar. Geri so væl.

 

Oktober 2017

Trúgvi tí ella ei, nú er longu ein mánaði farin og her koma myndir frá oktober mánað.

Ì oktober hava vit bæði følt, sæð og sungi um at heysti er komi. Allíkavæl hava vit verið nógvar túrar í haganum, ánni og hjá Peter Noll.

Her liggur ein myndarøð av, tá vit vóru ein skjótan túr í haganum, har vit fingu stimulera nógvar ymiskar sansir, tí veðri var ikki av tí besta, men hetta steðgaði okkum ikki. Vit bæði rullaðu, klatraðu og merktu veðri á húðina. Og tá vit komu aftur í Glottan stóðu matpakkarnir klárir.

Eisini eru nakrar myndir av spælið á stovuni, og so hava vit havt tríggjar føðingardagar hendan mánaðan. Vit ynskja Amaliu, sum fylti 6 ár, Jonu, sum fyltu 4 ár og Eyð D. sum fylti 3 ár hjartaðligt til lukku.

 

September 2017

Nú eru vit farin inn í oktober mánað, og vilja vit tí leggja myndir út av september mánaði. Allan august og septembe rmánað hava vit havt fokus á sosialum førleika.

Hetta serliga tí, hesa tíðina er stovan altíð undir størri broyting, nøkur børn eru farin í skúla og onnur eru vorðin Pisur. Eisini eru nýggj børn komin úr vøggustovuni. Hetta ger møguleika fyri at nýggj vinarløg vera skapt, og vit skulu øll læra hvønn annan at kenna av nýggjum.

Næstu tveir mánaðarnar hava vit valt, at hava høvuðsfokus á persónligari menning.

Sandagerð Aug. 2017

Vit hava hugna okkum ordiliga nógv í góðveðrinum á Sandagerið í gjár, hósdagin.

-Myndirnar tala fyri seg  :-) Gott vikuskifti.

Mai 2017

Vit hava hugna okkum ordiliga nógv í góðveðrinum úti í garðinum.

-Myndirnar tala fyri seg  

Barnafestival apríl 2017

Mánadagin fóru vit øll oman í Norðurlandahúsið til konsert. Vit tóku matpakka við og ótu áðrenn konsertin byrjaði. Eisini sluppu børnini at vitja Skrímslaheimið.

Til konsertina hoyrdu vit søguna um ''Skrímslið lítla systir mín'' við symfoniorkestrinum í bakgrundini, barnakór og Eivør sum forsangara. Børnini sótu við stórum eygum og hugdu.
Ein mega góð konsert :D

Sandagerð

Í dag hava nøkur av børninum verið í Sandagerðið. Tey hava bæði vassa, spælt í sandinum og  samlað steinar, tara og goggur. Veðrið var av tí allarbesta og tey hyggaðu sær ordiliga nógv.

Túr

Ein dagur í feburar. Veðrið var av tí allar besta, so vit valdu at fara ein túr oman at hyggja eftir bátum :D

Glottin jan 2017

Ein tilvildarligur dagur GIottanum, Summi læra seg at rokna, onnur gera " fimleik", onnur spæla dukkur o.a..

Jóladekoratión

Aftur í ár gjørdu vit jóladekorationir í desembur. Tað var so hyggiligt og jóladekoratiónirnar vóru ordiliga flottar :D

Gula húsið

Børnini dáma ordiliga væl at fara túr yvir til tað gula húsið. Tey leika runt um húsið og brúgvin verður nýtt til at spæla ''bukkarnir brúsi''. Eisini eru tey meega røsk at klatra á stórum steinum :D

Gongutúrar

Vit fara nógvir gongutúrar uttanfyri Sólareygað. Her eru so myndir av tveimum túrum :D

Fimleikur á Flognum

Hvønn morgun fara nøkur børn út á Flogið at gera fimleik.