okkara leiðreglar frá 25 mai at rokna

                                                                  

Góðu foreldur.

Ja nú eru nakrar vikur farnar, við varliga opnum dagstovnum, og enn er ongin tilburður av Korona  staðfestur aftur í FO, so tað er veruliga at gleðast yvir.

Tað hevur verið deiligt hjá okkum at byrja aftur og so herligt aftur at verða saman við tykkara deiligu børnum. Vit meta at tað hevur gingið framúr væl. Tað er sum um, at  hendan tíðin hevur gjørt okkum øllum gott, vit og børnini eru úthvíld og  børnini eru so glað fyri aftur at verða saman við sínum vinum og tey eru so røsk at vaska hendur, standa í kø,  lata seg í , halda seg í sínum parti av garðinum,  tey eru so røsk at ganga túr, røsk at eta úti, ja í heila tikið,  hava tey eina fantastiska orku, gleði og  forstáilsi fyri teim nýggju mannagongdunum.

Frá nú av er ikki neyðugt, at tit tilmelda barnið, men vit ynskja tó at tit, tá tit koma við barninum, skriva í eitt skjal í  durinum, hvat klokkan tit heinta barnið tann dagin og, so vítt gjørlig, fylla út fyri fleiri dagar fram.

Grundin til, at  vit ynskja at vita tíðspunkt fyri avheinting,  er at vit i hesi corona tíð, gera alt vit eru ment at deila børnini upp í bólkar, og at fara túrar við teimum. Vit vita jú at smittuvandin minkar , um vit eru uttandura. Í tí sambandi er tað sera gott fyri okkum at vita, hvat kl.  vit skulu vænta at barni verður avheinta ,hetta  so vit vita tað, tá  vit fara túrar  seinnapartar, ella á annan hátt skipa spælibólkar.

Hóast  vit eru corona frí  ynskja vit:

• At barnagarðsbørnini  hava 2 eti-klárir matpakkar við.
• At vit keypa fruktina til barnagarðsstovurnar
• At vøggustovurnar hava 1 etikláran matpakkan við og fáa millummála frá stovninm
• At vøggustovu barnið aftur hevur 2 fruktir við um vikuna( helst mánadag)

• At børnini verða avlevera í durinum.
• At tit eru har/ hjálpa barninum at vaska hendur við hvørja avlevering.
• At avleveringin og avheintingin , gongur skjótt fyri seg.
• At  bert ein persónur avleverar og heintar barnið. ( tað nýtist ikki at verða foreldrini)
• At bert eitt barn verður avlevera heinta i senn, ( eitt i durinum i senn)
• At tit í samband við at avlevera/  avheinta gera skjótt av, so barnið ikki skal bíða so leingi.
• At tit fylla skjal út í durinum, við upplýsingum um nær tit heinta barnið.
• At tit IKKI GERA SPÆLIAVTALUR Í DURINUM, tí hetta er tíðarkrevjandi og oftani rættiliga keðiligt fyri tey børn, sum ikki eru ein partur av spæli -avtaluni.  Vit ynskja at spæli-avtalur verða gjørdar heimanfrá.
• At barnið ikki hevur leiku við( tó undantikið okkurt sovi dýr, sum verður liggjandi i vogninum og ikki ferðast ímillum stovn og heim i hesum corona tíðum)

Fyri at yvirhalda tilmæli um ikki at blanda stovur, er ikki loyvt at lukka stovur saman,  so tað krevur eitt broytt arbeiðsskema. ( Vit hava tó verið noydd til at lata Pisurnar fara inn í teirra heimastovur  áðrenn kl. 08 og eftir kl. 16, sum eitt undantak )

Somuleiðis, fyri at halda tilmæli, skulu vit vaska og spritta leikur og annað á stovuni, minst eina ferð um dagin, og hetta leggja vit inn í skemaði, tá vit hava eitt yvirlit yvir, nær børnini eru á teim ymsu stovunum. Og ikki minst, brúka vit sera nógva tíð uppá at vit vaska hendur, men alt hetta gongur gott og í einum passaligum tempo  J

Vinarliga

Mirjam Johannesen, leiðari

Um tit hava nøkur ivamál, eru altíð vælkomin at ringja á tlf 287150

Ps

Eg sendi tykkum eisini einastu vegleiðingar vit fingu í mun til at halda tilmali

 

 

vegleiðing fyrir tíðarskeiðið 11. mai og 2 vikur framm

                                                                                      Sunnukvøld 10. Mai

Góðu foreldur.

 

Takk fyri tykkara tilmeldingar, og vit gleða okkum at síggja fleiri tykkara í morginárini.

Og til tykkum, sum verða heima eina tíð enn, síggi bara burtur frá hesum mailinum í fyrstu syftu og  vit síggjast, tá vit síggjast J

Enn hava vit ikki fingið tær avtalaðu vegleiðingarnar frá corona ráðgevingini,  og tað er sjálvsagt bæði  harmiligt og óskiljandi,  men klokkan gongur og nú velji eg, av mínum eintingum, at senda  tykkum nøkur tilmælir,  sum vit sum starvsfólk ynskja at halda fast í, tær komandi 2 vikurnar:

Hetta ynskja vit:

1. At bert eitt foreldur avheintar / avleverar sítt barn .
2. At tit vaska hendurnar hjá barninum, í durinum, áðrenn tit avlevera barnið
3. At tit bert koma inn í durin við barninum ( eitt foreldur i senn) og at tit gera  skjótt av við avheintan og avlevering, so køin ikki gerst long uttanfyri.
4. At tit hava 2 matpakkar við, ein til kl.12 og ein til millummála ( báðir skulu verða eti-klárir, so tað er lætt at taka teir við út.) Vit keypa frukt.
5. At tit ikki avlevera/ avheinta um tit hava verið uttanlanda ella á annan hátt i vanda fyri at hava fingið Korona
6. At tit ikki koma við barninum, um tað snorar ella hostar ella á annan hátt vísir sjúkueyðkennir.

 

Eitt av landsins tilmælum  er, at í  mesta lagi 50 fólk, skulu samlast á einum stað. Hetta loysa vit við at deila stovnin í tvey.  

Glottin og Ljósið eiga ovara part av garðinum og Glæman, Strálan og Pisurnar fremra part av garðinum og samstarv millum stovur, gongur eisini handan vegin.

Børnini koma sostatt at verða saman við øðrum børnum og starvsfólkum og  ikki bara børnunum á síni stovu, men eisini saman við øðrum frá  stovuni, sum tey deila garðin við.

Tilmæli um frástøðu uppá 2 metrar halda vit ikki til børnini, tí vit meta hvørki at tað ber til, ella sømir seg , tá talan er um at verða um børn.

Vit ynskja sjálvsagt at halda fast i hondreinføri,  og so vítt sum tilber at sóttreinsa eftir førimuni.

 

Vit síggjast í morgin

Vinarliga Mirjam Johannesen,

leiðari,

tlf 287150

 

 

tilmelding fra 11. mai

 

Góðu foreldur og børn á dagstovninum Sólareygad

 

Í síðstu viku boðaði Løgmaður frá, at enn meira ferð skuldi setast á samfelagið. Flestu øll skulu nú aftur til arbeiðis og eisini fara fleiri skúlanæmingar aftur í skúla. Vit starvsfólkini á dagstovninum gleða okkum tí til, at síggja tykkum øll aftur, undir skipaðum umstøðum.

Vit lata tí nú upp fyri, at øll børnini koma aftur á stovn frá mánadegnum 11. Mai at rokna og tey foreldur ið ynskja ansing vil eg biðja um, at fylla hetta skjalið út og senda mær tað aftur í seinasta lagi sunnudagin kl. 12:00 á mirjamj@torshavn.fo

Navn á barnið:

Foreldur:

Telefon nr.:

 

Dagfesting:	Koma frá kl.	Fara frá kl.	Hava Frí.
11. 05. 2020
12. 05. 2020
13. 05. 2020
14. 05, 2020
15. 05. 2020
18. 05. 2020
19. 05. 2020
20. 05. 2020
frí
22. 05. 2020

Hetta er ikki ein kravd tilmelding, men eitt ynski hjá okkum, so vit betur fáa gjørt eina skynsama arbeiðsætlan.

 

Sambært Føroya Kommunufelag var ætlanin, at landsins myndugleikar í sambandi við at dagstovnarnir nú opna fyri øllum børnunum, skuldi dagføra tær vegleiðingarnar sum vóru sendar kommununum 16. apríl. Hetta arbeiðið er enn ikki heilt liðugt, men tað væntast, at nýggjar vegleiðingar verða tøkar í vikuskiftinum.

 

Tí kemur nærri kunning í vikuskiftinum og vil eg hervið biðja tykkum um at vera á varðhaldi á Facebook vanganum hjá stovninum.

 

Blíðar heilsanir Mirjam Johannesen

 

 

Góðu foreldur um tiðarskeiðið .4. til 7 mai

Tórshavnar Kommuna, hevur valt at halda fast í teim tilmælum, sum komu út í síðstu viku.

 

Sostatt er ongin broyting í mun til tilmeldingina av tykkara barnið i viku 19, tvs tíðarskeiðið 4. til og við 7. mai

Tvs at tit sum hava melda tykkara barn til, tit koma sum avtala , teir dagar tykkum eru tillutaði.

 

 Tey, sum ikki hava melda børn síni til, tey kunnu IKKI KOMA, i komandi viku.

 

fra 11. mai opnar samfelagið enn meira upp, og taå fara tit at hoyra nærri um í komandi viku

Eru tit i iva um okkurt, eru tit vælkomin at ringja til mín á tlf 287150

vinarliga Mirjam Johannesen, leiðari

 

vh Mirjam Johannesen

 

 

 

 

 

 

 

tilmeldingar skjal til tær næstu 2 vikurnar

her er tilmeldingarskjalið

https://www.torshavn.fo/Default.aspx?pageid=1757

Skjali skal sendast aftur umvegis teldupost til dagstovnaleiðaran.
T post adr : mirjamj@torshavn.fo

 

 

 

Til foreldrini at teim børnunum sum, byrja, nú vit opna varisliga upp aftur.

Góðu foreldur.

Loksins kom dagurin, tá vit varliga fara at lata Dagstovnin Sólareygað upp aftur.

Veruleikin fyri okkum øll, er sera nógv broyttur síðan vit lótu aftur. Vit hava øll fingið aðrar treytir at virka undir. Tí  fara vit at skipa dagin á stovninum soleiðis, at tað verður trygt og gott hjá okkum øllum.

Okkara ynski er at skapa ein innihaldsríkan gerandisdag saman við børnum tykkara. Við forvitni, hugflogið, spæli og lívsgleði.

Vit vilja, at børnini koma á stovn, uttan ótta og ampa, hóast tí óskiljandi vitan, sum tey hava fingið  tann seinasta mánaðin.

Vit fara, við jaligari vegleiðing, at eggja børnunum til at verða sjálvbjargin. Vit fara at leggja dent á, at verða so nógv sum gjørligt uttandura, soleiðis at børnini sleppa at spæla uttan stórvegis avmarkingarnar. Vit fara túrar, har børnini sleppa at nýta hugflogið og kroppin.

Vit fara at hava fokus á reinføri og vit ynskja, at tit heima eisini tosa um týdningin av reinføri, og hetta við at vaska hendur væl og virðiliga, fleiri ferðir um dagin.

Avlevering / heinting:

Tit foreldur skulu  bert koma  til durin.. og bert eitt foreldur í  senn. Ringið tá tit standa uttanfyri og klár at avlevera.

Vit ynskja at bert annar tykkara avleverar og avheintar , hetta fyri at minka um vandan fyri smittuspjaðing.

Vit heita á tykkum, um  at gera skjótt av, í samband við avlevering /heinting og  um gjørligt, tosa við barnið um hetta, áðrenn tit koma við tí.

Viðv matpakka:

Barnið skal hava frukt, eti- kláran matpakka og ein bolla ella eina klemmu/ “klappsammen” til millummálan. Hetta skal verða í  einum posa/eskju. Týdningarmikið er, at matpakkin er lættur at handfara,  soleiðis at tað er upplagt hjá okkum at fara  út um garðin at eta matpakkan.

Viðv skiftiklæðum :

Týdningarmikið at barnið hevur nokk av skiftiklæðum við, og sambært tilmælinum skulu børnini

skifta klæðir hvønn dag.

Av tí at vit fara at verða úti  sum mest , eisini í samband við avlevering,  skal barnið verða  ílatið eftir veðrinum, tá tað kemur á stovnin.

Viðv. leiku.

Barnið kann ikki hava  leiku við á stovnin. Um barnið hevur ein sovi “klút”, so skal hesin liggja í

vogninum, men skal ikki ferðast ímillum stovn og heim.

Viðv sjúku.

Børnini mugu ikki hava nøkur sjúkueyðkennir, tá tey koma á stovn, tey mugu ikki snora, ikki hosta tá tey koma. Um tey, ella onnur í familjuni  hava sjúkueyðkennir, kann barnið  ikki koma á stovn 48 tímar eftir síðstu sjúkueyðkennir.

                                                                       Eru nøkur ivamál eru tit vælkomin at ringja til min.

                                                                                      Mirjam Johannesen, leiðari, tlf. 287150

Vit opna varliga aftur

Góðu foreldur

 

Vit hava enn ikki fingið leiðreglar frá Korona bólkinum, men víst er tað, at mánadagin 20. apríl lata vit stovnarnar varisliga upp aftur.

Vit, starvsfólk á Dagstovninum Sólareygað, hava gjørt okkum so klár sum tilber til hetta.

Vit fara at leggja dent á at taka serlig fyrilit, soleiðis at børnini og vit starvsfólk eru so trygg sum tilber, har reinførið verður í hásæti.

Vit fara tó ikki at lova tykkum foreldrum inn á stovnin. Tit koma inn í durin, og eftir at tit hava vaskað hendurnar á barninum, tekur eitt starvsfólk ímóti tykkum, og tit foreldur siga farvæl . Børnini fara at halda til á síni egnu stovu og allarhelst uttandura, børnini sleppa bert ( í smærri bólkum) at vera saman við børnunum á teirra egnu stovu.

Vit fara ikki at halda 2 metrar frástøðu, tí tað ber jú ikki til. Vit fara inn í relatiónin við tykkara barn, koma kropsliga tætt tá tað er neyðugt, hetta fyri at tryggja tað góða og gevandi sambandið við tykkara barn. Tit melda til á torshavn.fo og tá vit seinni í dag fáa eitt yvirlit yvir, hvørji børn koma á okkara stovn, so venda vit aftur til tykkum við gjøllari kunning.

 

Her eru teir donsku leiðreglarnar og væntandi kunnu vit væmta okkurt líknandi:

 

Nye regler og krav til børnehaver og vuggestuer

Børn og ansatte skal vaske hænder minimum hver anden time. Korrekt udført håndvask tager ca. 45-60 sekunder.

Rengøring af toiletter to gange om dagen.

Afvaskning af alle overflader med sæbevand og afspritning to gange om dagen.

Alt legetøj vaskes to gange dagligt.

Sengetøj skal vaskes en gang om dagen.

 

Rengøring og desinfektion to gange om dagen af vandhaner, toiletknapper, toiletsæder, bordoverflader, dørhåndtag, køleskabslåge/-håndtag, gelændere, armlæn, lyskontakter, greb på vaskemaskine og tørretumbler m.v.

Seks kvadratmeter pr barn i vuggestuer og fire kvadratmeter per barn i børnehaver (fordobling i forhold til nuværende anbefalinger)

Hvis muligt skal børnene afleveres uden for.

Børn ved borde skal placeres med mindst to meters mellemrum.

Børn skal så vidt muligt blive på den samme stue og i de samme grupper og med
den samme voksne.

Der skal ikke leges med børn på andre stuer.

Legepladsen kan inddeles, så børnene kun leger med de samme børn fra faste, mindre grupper af fx fem børn.

Kilde: Sundhedsstyrelsens vejledning for gradvis, kontrolleret genåbning af dagtilbud

 

 

 

Vinarliga Mirjam Johannesen

Vit opna varliga aftur

Góðu foreldur

 

her er kunning frá Tórshavnar kommunu:

 

Stigvís og varlig upplating av dagstovnum í Tórshavnar kommunu

Fyri páskir boðaði landsstýrið frá, at dagstovnar lata upp mánadagin 20. apríl 2020. Eisini boðaði landsstýrið frá, at foreldur, sum vilja hava børn síni heima, hava børn síni heima.

Í løtuni fyrireikar Tórshavnar kommuna, hvussu vøggustovur, barnagarðar og frítíðarskúlar lata upp, og hvussu gerandisdagurin skal skipast. Í hesum sambandi hevur Coronaráðgevingin hjá landsstýrinum gjørt vegleiðing um stigvísa og varliga upplating av dagstovnum (sí leinki...).

Liður í fyrireikingunum er, at foreldur beinanvegin og í seinasta lagi hósdagin 16. apríl 2020 kl. 12.00 skulu boða kommununi frá, um tey hava tørv á, at barn teirra kemur á stovn í næstu viku, tvs. tíðarskeiðið 20.-24. apríl.

Tilmeldingarskjal er tøkt á heimasíðuni hjá Tórshavnar kommunu www.torshavn.fo (sí leinki...). Har verða foreldur eisini biðin um at upplýsa, hvørjar dagar tørvur er á, at barn teirra er á stovni og nær á degnum. Hetta so, at kommunan kann skipa tilboðið best møguligt.

Væntandi verður nýggj tilmelding gjørd fyri tíðarskeiðið 27. apríl-1. mai 2020. Kunnað verður um tað seinni.

Foreldragjald

Væntandi verður dagstovnagjaldið fyri apríl endurgoldið foreldrunum. Málið kemur fyri á býráðsfundi síðst í apríl.

ráðleggingardagur 7 mai 2020

Góðu foreldur

 

Vit hava ráðleggingardag tann 7 mai 2020

i tí sambandi er stovnurin stongdur hendan dagin

 

 

Vinarliga.

 Mirjam Johannesen, leiðari

Hygg her

Hey aftur, góðu foreldur.

Ásannandi at fnat midan kann liva upp til 4 døgn uttanfyri kroppin, fara vit at heita á tykkum at:

 

1. Tøma  garderoburnar ídag, fríggjadag 28. feb og taka alt við til hús!!!!.

 

2. Tá tit koma aftur mánamorgunin, ynskja vit at tit hava koyrt tey neyðugu skiftiklæðini hjá tínum barnið í ein plastikposa posa við eini klemmu á, so tit á tann hátt tryggja tykkum at fnat-midan ikki ferðast ímillum garderobur.

 

3. Sum sagt so skulu tit taka alt úr garderobuni, men vit  biðja tykkum tó ikki um at koyra draktina og regnklæðini í posa mánadagin, hetta fyri tað fyrsta, tí drakt og regnklæði neyvan eru ein stórur smittuberi, tá hesi pløgg jú ikki liggja tætt inn at kroppin. Og hinvegin  mugu vit eisini ásanna, at vit allíkavæl verða noydd til at hanga  hesi klæði til turkingar, síð um síð,  í tí dagliga.

 

Lat okkum taka lógvatak saman, so hesir óbodnu gestir ikki fáa góð livikor her hjá okkum.

Ein  roynd er, í hvussu er  at vit í eina tíð, hava klæðini hjá børnunum i hvør sínum posa

Midan doyr við 60 gradir, so vita tit tað J

Og einaferð enn, ikki tosað við børnini um hetta, soleiðis at tey blíva óneyðuga ørkymlaði.

Vinarliga.

 Mirjam Johannesen, leiðari

felagsforeldrafundur 12. april

Góðu foreldur :-)

 

Hóskvøldið 12. Apríl kl. 19 

verður felags foreldrafundur á skúlanum við Løgmannabreyt.

Hesin fundur er fyri fleiri dagstovnar her i grannalagnum.

 

Tað verður sálarfrøðingurin Kristian Eli Andersen, sum hevur ein fyrilestur fyri okkum við evninum:

 "Hvussu kunnu vit skilja fyribrigdið, sjálvsálit, soleiðis at vit best fáa styrkt sálarheilsuna hjá børnum okkara?"

Í fyrilestrinum verður ein rúgva av ítøkiligum amboðum, sum bæði foreldur og starvsfólk kunnu brúka.

Hendan fyrilestur mugu tit hoyra!!

              Vinarligast foreldraráðið og Mirjam.

 

Kunningarskriv

 

Skrivstovan tlf 287150/302430

Glæman 287120, Glottin 287130,

Strálan 287140,  Ljósið 287160

Mail adr Mirjamj@torshavn.fo,

Heimasíðan www:solareygað.com

Facebook síðan eitur: Dagstovnurin sólareygað

Kunningarskriv fyrra hálvár 2018.

7. marts. Hendan dag hava vit ráðleggingardag um mentalisering.

Í hesum sambandi er stovnurin stongdur.

12. apríl. Felagsforeldrafundur kl. 19 ( evni verður kunngjørt seinni)

15. juni. Vit hava Summarfest, fyri børnunum á Ternuryggi, Undir Brúnni og Sólareygað. Í ár verður summarfestin hildin undir Brúnni.

í viku 29. 30 og 31 .hevur Tórshavnar kommuna bert ein stovn opnan fyri øllum børnunum i kommununi.

Júst hvør stovnur verður opin hetta tíðarskeiðið, verður avgjørt, tá man veit hvussu nógv børn hava tørv á plássinum hesar vikurnar.

Sigast skal at vit ynskja at vita nær barn tykkara heldur summarferiu, i seinasta lag síðst í apríl 2018. Nærri kunning um hetta seinni.

Vinarliga Mirjam Johannesen, leiðari

Kunning til øll foreldur i samb við verkfallið des 2017

Góðu foreldur.

Ja nú er verkfallið byrja hjá Føroya Pedagogfelag.

Í fyrstu atløgu fara leiðarin og varaleiðarin heim.

Soleiðis kemur hetta at ávirka tykkum:

Av tí at eg sum leiðari fari heim, er støðan tann:

• at ongin avloysari kemur inn á stovurnar.

(Mannagongdin er nevniliga tann, at tá stovurnar mangla fólk, royna tey at klára seg fyrsta dag, næsta dag skaffar leiðslan avloysara)

Tit mugu tí vita at:

• um so er at stovur mangla fólk vegna sjúku , eru starvsfólkini noydd at senda børn heim.

( vit byrja við at senda børn heim frá  ovast á protokollini)

Um vit mangla eitt starvs fólk i vøggustovu , skulu vit hava 3 børn færri á stovuni.

Um vit mangla eitt starvsfólk i barnagarðsstovunum, skulu vit hava 5 børn færri á stovuni

Eitt vøggustovu starvsfólk “eigur” nevniliga  3 vøggubørn og eitt barnagarðs starvsfólk “eigur” 5 barnagarðsbørn.

Varaleiðarin Elsa Joensen, fer eisini i verkfall i morgin og kemur hetta fyrst og fremst at ávirka Ljósið, har Elsa arbeiðir, men teir dagar,har Elsa stongir stovuna, og tað tískil bert er ein “lukkari” eftir, ávirkar tað allan stovnini...Tað er nevniliga ikki loyvt bert at verða ein lukkari...

So longu i morgin, 12. 12. 17  tá Elsa saman við einum starvsfólki i vøggustovuni, eftir røttum skuldi stongja stovnin, merkja tit foreldur broytingina... Vit mugu nevniliga stongja kl 16.30, meðan tað enn eru meir enn eitt starvsfólk eftir á øllum stovninum.

Av tí at Elsa er tikin av skemanum eru hesar  broytingar :

• Týsdagin 12.des. Allur stovnurin stongir kl 16.30 ( ti Elsa er ein av tveimum, sum áttu at verða frá 16.30-17.

   

Tað er tó týdningarmikið, at tit eru innstilla tykkum uppá, at aðrar broytingar kunnu fyrikoma. Tað at vit ikki taka avloysara inn og ikki kunnu taka verkfalsrakt arbeiðið uppá okkum, viðførir at vit væntandi koma i tí støðu,  at vit mugu senda børn heim.

Og um verkfallið verður hert meir, so henda sjálvsagt enn fleir aðrar broytingar.

                                                                        Vinarliga leiðsla og álitisfólk

Myndatøka 2017

                              

 

Martin Sirkovsky kemur at taka myndir her tann 2. nov kl 09.30

Og nú er klárt til at byrja tilmelda seg til myndatøku.

Tað kunnu foreldrini gera her:

 http://bit.ly/solareygadmyndatoka

                                                               

Vinarliga foreldraráðið .

 

 

 

 

 

Kunningarskriv heysti 2017

Skrivstovan 302430 el 287150

Glottin 287130, Strálan 287140

Ljósið 287160, Glæman 287120

t-post mirjamj@torshavn.fo, ,heimasiðan:.solareygad.com

 

Kunningarskriv fyri Dagstovnin Sólareygað fyri

seinnu hálvu 2017 .

 

 

 

Fríggjadagin   29. Sep.                                               Ráðleggingardagur 

Hendan dagin er stovnurin stongdur

 

Hósdagin 26. Okt. Kl 19                                                                                 Felags foreldrafundur

                                                                                   

 

Hósdagin  30. Nov.  kl 15.30 -17                   Foreldur og børn gera jóladekorationir.

 

 

Fríggjadagin  8. Des. kl. 15 til 18.                              Jólahugni, jólatræð, lucia.

 

Vit hava stongt millum jóla og nýttár, men ein stovnur i Tórshavnar kommunu er opin hesar dagar.

                                                               

Vinarliga Mirjam Johannesen, leiðari.

 

 

 

 

 

Ráðleggingardagur

Góðu foreldur.

 

Í samband við, at vit hava

 

ráðleggingardag

 

mánadagin tann 29.maj 2017,

 

so hava vit stongt hendan dagin.

 

Hesuferð hava vit hava valt, at fáa Kitty May Ellefsen at leiða dagin fyri okkum. Hon fer  m.a.  at kunna okkum um Positiva sálarfrøði og  treytir fyri motivatión og trivnað.

 

Hetta verður heilt vist spennandi.

 

Vinarliga

Mirjam Johannesen, leiðari.

Vit hugsa um okkara umhvørvið

Góðu foreldur

Í samband við at vit og Tórshavnar kommuna sum heild hevur fokus á umhvørvi í hesum døgum, hava vit valt at gera nøkur átøk, til frama fyri at verja umhvørvið.

 

OKKARA FYRSTA MÁL ER AT BRÚKA MINNI PLASTIK!

 

Tad inniber at :

1. Øll børnini hava ídag fingið hvør sín ryggsekk til skitin klæðir.

Hesin ryggsekkur skal so ferðast imillum stovn og heim....og tað er sera týdningarmikið at tit minnast til at koma aftur við honum hvønn dag!!

1. Vit hava tikið teir bláu skógvarnar burtur..... so ístaðin fyri at tit lata tykkum í plastik- skógvar, verða tit biðin um at lata tykkum úr skónum, tá tit koma við og heinta tykkara børn.

“Vit hava jú bara jørðina til láns frá okkara forfedrum og  mugu tí varðveita hana væl til okkara børn.”

       

Vónandi taka tit væl ímóti hesum átøkum.

Vinarliga starvsfólk í Dagstovninum Sólareygað.

 

 

Sera áhugaverdur felags foreldrafundur 17. Mai. :-)

Góðu foreldur

Vit vilja ynskja tykkum vælkomin til ársins felags foreldrafund, har Anne Brodersen og Mads Brodersen fara at halda fyrilestur fyri okkum um hvønn týdning rørslur hava á barnsins menning, felagsskap og trivnað.  

Anna Brodersen hevur millum annað skrivað bøkurnar “Grundmotorik” og “Brug din krop” og staðið á odda fyri stóru donsku kanningini “Tidligere indsats”.

Mads Brodersen hevur stovnað “Vends Motorik og Naturskole”. Mads er útbúgvin náttúruvegleiðari, motorikvegleiðari og hevur PD í ungdomsnámsfrøði. Hann hevur meira enn 20 ára royndir innan sítt økið og innan sosiala og almenna námsfrøði, har hann brúkar náttúruna sum amboð.

 

Dato:         17 mai 2017

Kl.:             19 – 21

Stað:                   Skúlin við Løgmannabreyt

 

Vit gleða okkum at síggja tykkum

Vinaliga heilsan Leiðararnir

Uppskrift uppá mandlur í ovn

 

Eftir áheitan  frá nógvum foreldrum,  leggi eg " uppskriftina" uppá mandlir í ovn.

tað eru nógvir  ymiskir mátar at gera hetta, her er so tann mátin eg plagi at gera.:

Mandlur í ovn.

 

Legg mandlurnar á blot, í heitt kóka vatn.

Koyr salt í vatni.

Lat  mandlurnar liggja i vatninum í ca. hálvan tíma. 

Lat vatni síðani renna frá.

 

Mandlurnar og t.d.  græskarkjarnur, sesamfrø og sólkjarnur verða lagdar á eina bakarovns skuffu.

Kryddra væl við  grovum salti, hvítleyk salti og t.d  oregano.

 

Bakast í ovni á  130 gr í uml ein  tíma til 1 ½  tíma. ( til mandlurnar eru broysknar)

 

Sker dadlur í smærri bitar og vend tað í, tá nøturnar eru kølnaðar.

 

Væl gagnist

vh Mirjam Johannesen

 

 

 

 

 

 

Vit fylla 12 ár , hip hip hurra!!

Skrivstovan tlf 302430/287150

Mail mirjamj@torshavn.fo

www.solareygad.com

Glæman tlf 287120 ,   Strálan 287140

Glottin 287130     Ljósið 287160

 

 

 

Góðu foreldur!

 

Fríggjamorgunin 24. Feb halda vit

12 ára føðingardag.

 

Vit hava morgunmat sum vanligt, men gera tó meira burturúrJ

 

 

Morgunmaturin er frá kl 07.45 til kl 09. 30.

09.30  fara vit  uppá gólv og øll foreldur eru vælkomin við.

 

 

 

 

Vit fara at kvøða :

1. 8 vers av Sigmundskvæðinum

2. Burtur á heiði.

3. Veturin kom við kulda og kava.

 

hvussu fáa tit fatur í okkum?

 

Soleiðs fáa tit fatur í okkum ::

Skrivstovan:       302430/    287150,

Glæman: ( vøggustova)      287120

Glottin:      (barnagarður)     287130

Strálan :    ( vøggustova)     287140

Ljósið:    ( barnagarður)       287160

 

Okkara heimasíða er:            www.solareygað.com

Okkara mail adr er:               mirjamj@torshavn.fo

Okkara facebook síða eitur : Dagstovnurin Sólareygað,

(Um tit ynskja at fylgja við har, mugu tit inn á dáma síðuuna fyrst :-)

 

 

Vinarliga Mirjam Johannesen, leiðari.

Jókadekoratiónir

Góðu foreldur.

 

Hósdagin 26.nov.

 ímillum  kl 15. og  16.45.

 

hava vit tí árligu hugnaløtuna,har  tit fáa høvi at gera eina jóladekoratión, saman við tykkara barnið.

 

Vit hava gran, leir og ymiskt pynt úr náttúruni.

 

og  tit mugu minnast til at hava eina skál at gera dekoratiónina á og  stearinljós.

 

 

Vit gleða okkum at síggja tykkum.

 

PS: Tað ber bert til at gera eina dekoratión  til hvørt barnið ,sum gongur i Sólareygað.

                                      Vinarliga  starvsfólkini

 

Kunningarskriv heyst 2015

Kunningarskriv til foreldrini.

21. oktober.   Kl. 19  Felags foreldra fundur. Vit møtast úti á Flognum eina løtu har vit m.a tosa um okkara kostpolitik og Poula Eidesgaard kemur i stuttum at greiða frá matspillu. Aftaná fara vit  inn á heimastovurnar, har starvsfólki greiða tykkum foreldrum  frá hvat tey arbeiða við inni á stovunum.

27 okt.  Kl. 09.30. Amy og Eydna koma at taka felagsmyndir. Ikki einstaklinamyndir!

9. november. Vit hava ráðleggingardag og í ti sambandi er stovnurin stongdur.

26. november. Vit gera jóladekoratiónir.( nærri kunning seinni).

16. desember   Jólahald frá kl 16. Lucia, sjónleikur o a.

Sólareygað hevur stongt ímillum jóla og nýttár, men  ein stovnur í Tórshavnar kommunu er opin. Í  ár er tað so Býlingshúsið í Maritugøtu, sum hevur opið. Nærri kunning um hetta seinni.

 

Hvussu fáa tit fatur í okkum?

Mail. adr mirjamj@torshavn.fo

heimasíðan: www.solareygad.com

Vit hava somuleiðis eina síðu á Facebook, sum kallast : Dagstovnurin Sólareygað,

(um tit ynskja at fylgja við har eisini, mugu tit fara inn at dáma síðunaJ)

Tórshavnar kommuna hevur broyttar avtalur í mun til telefonhald. Tí fara tey  í næstum at taka IP telefonirnar niður (tað eru tær sum byrja við 30) og ístaðin koma vit at brúka fartelefonir... Men so leingi IP telefonirnar  virka, aktivera vit ikki fartelefonirnar á stovunum.

Okkara núverandi og komandi telefonnummur:

Skrivstovan:     302430/ 287150,

Ljósið:             302439/  verður í næstum broytt til  287160

Glottin:            302440/  verður í næstum broytt til 287160

Glæman:         302441/ verður í næstum broytt til  287161

Strálan :           302442/  verður í næstum broytt til 287161

 

Vinarliga Mirjam Johannesen, leiðari.

Millummálin vika 9, 10, 11 og 12. Mars 2016

 

Matarætlan fyri mars 2016

 

Vika 9. Ljósið

Havragrýn

Aspargessuppa v/flutes

Rugbreyð v/smyrjiost

Bakað eplir, gularøtur og broccoli

Bollar

 

Vika 10. Glottin

Havragrýn

Tomatsuppa v/fullkornsskrúvum

Rugbreyð v/ost og piparfrukt

Bakað eplir, gularøtur, og broccolli

Bollar

 

Vika 11. Glæman

Rugfras

Fesk súpan v/kjøt-og mjølbollum og suppuhornum

Kanelbreyð

Jogurt v/melón og súreplum

Bollar

 

Vika 12. Strálan

Havragrýn

Knekkbreyð v/rosinum

Aspargessuppa v/fullkornsflutes

Rugbreyð v/smyrjiost

Pastasalat v/skinkustrimlum og majs

Millummálin viku 45,46,47 og 48

Til tykkara kunning fara vit framyvir at leggja skránna fyri millummálan inn á hesa síðuna.:-)

 

Vika 45 :

2. nov.: Blanda kornflakes og havragrýn.

3. nov.: Asparges suppa v fuldkorns flute

4. nov.: Jogurth v mysli

5. nov.: Rugtrýkantar

6. nov.: Grahamsbollar

 

Viku 46.

9. nov: Ráðleggingardagur

10.nov.: Kanel breyð.

11. nov: Blanda kornflakes og havragrýn.

12. nov.: Havragrýns bollar v pikant smyrjiost

13. nov : Eplir og gularøtur í ovn.

 

Vika 47.

16. nov: Havragrýn og rosinur

17. nov. : Pylsubreyð

18. nov.: Knekk breyð v frukt

19. nov.: tomatsuppa v fullkorns skrúum

20. nov.: Fullkorns bollar

 

Vika 48:

23. nov Kornflakes og havragrýn, blanda

24. nov. Sandvich bolla v ost og agurk

25. nov. Rugbreyð v frukt

26. nov. Kanel/surelplabreyð v rosinum á...

27. nov. Eplir , gularøtur og broccoli i ovn

 

 

 

Millummálin viku 41,42,43 og 44

Til tykkara kunning fara vit framyvir at leggja skránna fyri millummálan inn á hesa síðuna.:-)

 

05.okt Havragrýn

6. okt. Aspargerssuppu v grov flute

7.okt. Rugbreyð v smyrjiost

8 okt. Kanelbreyð

9. okt Fuldkorns bollar

 

 

 

12. okt  Kornflakesog havragryn blanda saman

13. okt Rugbreyð v livradeiggj og agurk

14. okt Eplir , gularøtur, agurk

15. okt. Jogurth v melón

16. okt. Grahams bollar

 

 

19. okt. Rugfras

20. okt. Knekkbreyð v frukt

21. okt pizzasniglar

22. okt. Rug trýkantar

23. okt. Grovbollar

 

 

26. okt Havragrýn

27. okt. Tomatsuppa v fultkorns skrúum

28. okt Rugbreyð v ost og piparfrukt

29. okt Eplir , gularøtur og broccoli

30. okt Gularóta bollar

 

Vit eru á facebook!!!

Nú eru vit eisini a Facebook. finn síðuna " dagstovnurin Sólareygað", Trýst á dáma og tú ert við! Bjóda síðani ommu og abba og øðrum áhugaðum við :-)

Uppskrift

Grýturættur   4-6 fólk

Ca.1 kg kjøt

1 leyk

2 tsk karry

2 tsk paprika

2 tsk chili

2 oksaterningar

1 bl ananas

1 bl majs

1 bl konc. tomatpuré

1 pk róma ( 2,5 dl )

Svitsa kjøtið og koyr so alt í uttan majs og ananas og lat kókað eina løtu ,hita majs og ananas´í grýtuni til síst.

Rís og flutes afturvið , vælgagnist :)

Total Solar eclipse

 

 

Góðu foreldur nú styttist til

20 marts, og harvið til fulla sólarmyrking í Føroyum.

 

Hjá okkum verða ongin børn hendan dagin , øll hava frí.

Børnini gleða seg sera nógv til hesa stórfingnu hending og vit vóna øll, at sólin fer at vísa seg frá síni allarbestu síðu .:-)

Kringvarpi við Finnur Koba hevur verið heruppi og tosa við fleira av teim elstu  børnunum... Har børrnini hava tosa um fyribrigdi og  víst hvat vit hava gjørt i samband við sólarmyrkingina. Hetta verður víst fyrrapartin á sjálvum sólarmyrkingar degnum..

 

 

Barnaútvarpið v Jonnu fritsdóttir Joensen

 

Barnaútvarpið

9. marts

Ídag var barnaútvarpið og vitjaði okkum, tað var Jonna sum kom niðan at práta við nøkur av okkara børnum um td sangin “ Másin sigur pli pli pli”

Hendan sendingin verður send i barnaútvarpið fyrstu ferð  mánamorgunin 2. marts

Tey sum vóru og tosaðu og sungu fyri Jonnu vóru:

Nichala, Elin; Fróði, Jógvan, Hildur, Unnur, Armgarð, Bjørt og Anna Sofía.

Vh Annika, Ingun og Mirjam

Kunningarskriv 09.feb

 

Dagstovnurin Sólareygað fyllur 10 ár í jan/feb 2015.

Í tí  sambandi hava vit okkurt serligt hvønn dag í  viku 7 .

 

 

Mánadag 09.02

Kl 07.30 til 09.30  Felags morgunmat fyri børn og foreldur.

Kl 08. 00 . Børn úr kommunuskúlanum koma at framføra 3 sangir.

             Kl 09.45: Ævintýrferðin verður sýnd fyri okkara børnum

Týsdag 10.02:

Vit bjóða Ternuryggi og Undir Brúnni til sjonleikin Klintrimús  , sum  okkara 6 ára gomlu  Pisur fara at framføra

Mikudag 11.02:

            Kl 10 Rógvi Dam  kemur at fortelja søgur fyri okkara børnum.

Hósdag 12.02:

            Kl 10:  Starvsfólk/ vit  spæla sjónleik og dansa  fyri okkara børnum

          

Fríggjadag 13.feb.

Opið hús við morgunmati... frá kl 09 til kl 12.

Tit,sum vit á ein ella annan  hátt samstarva við, eru hjartaliga vælkomin.

                        Kl 10. Okkara børn syngja 3 sangir.

                        Kl 10.30 Døgg  Nónsgjógv og Allan koma at syngja

 

Vit gleða okkum sera nógv

 Vinarliga

Mirjam Johannesen tlf 302430/287150, Ljósið 302439, Glottin 302440, Glæman 302441, Strálan 302442

 

 

 

foreldrafundur , 6. nov.

Felags foreldrafundur

 

Hóskvøldið 6. nov kkl 19.00 emur Bjørghild Djurhuus at halda ein fyrilestur fyri okkum, sum kallast:

Eru vit fyrimyndir?

 

Eftir áhugaverda fyrilesturin og kjaki fara vit at velja foreldra ráð....

 

Vit gleða okkum at siggja nógv foreldur

 

 

 

Boð til foreldur

Felagsmorgunmaturin:

Felagsmorgunmaturin byrjar ikki aftur fyrrenn eftir heystferiuna.

Morgunmaturin er frá kl 07.45 til 09.00 ( kl 09.15 verður rudda av)

Hvønn fríggjamorgun  kl 09.30 møtast børn og starvsfólk á Flognum til eina felags sangløtu.

Vit hava valt at navngeva okkara barnabólkar soleiðis :

Gimsteinar: tey yngstur vøggubørnini. Hesi skulu vit taka hánd um eins og gimsteinar, so teir kunnu mennast og fáa rúm og møguleikar at mennast optimalt.

Summarfrí

Stovnurin er stongdur í viku 29, 30 og 31.